«28 мамырда сағат 15:45-те Алматы облысы ТЖД кезекші бөліміне Қапшағай су қоймасының солтүстік жағалауында, «Алтын құмдар» демалыс базасы аумағындағы шомылуға тыйым салынған орында бес адам отырған үрлемелі диваны байланған гидроцикл сынғаны туралы хабар келіп түсті», — деп жазды баспасөз қызметі.
Ресми мәліметке сүйенсек, құтқарушылар оқиға орнына келгенде, су көлігінің ақауларға байланысты жағадан 1500 метр қашықтықта қалғаны белгілі болды.
«Бес адам құтқарылып, жағаға жеткізілді. Тыйым салынған аумаққа шығып кеткен ерлі-зайыптыларға ҚР ӘҚБтК-нің 412-бабына сәйкес, айыппұл салынды. Авариялық-құтқару жұмыстарына Алматы облысы ТЖД 1 бірлік жүзу құралында 3 құтқарушы жұмылдырылды», — делінген хабарламада.
