«Қапшағай балық инспекциясы бөлімінің инспекторлары, жергілікті полиция басқармасының мамандары, «Айна Су» ЖШС-нің қорықтық қызметімен бірлесіп Қапшағай көлінде тазалықты сақтау бойынша үнемі жедел алдын алу іс-шарасын өткізеді», — делінген баспасөз хабарламасында.
Ресми мәліметке сүйенсек, кезекті рейд барысында П. есімді азаматқа ҚР ӘҚБтК-нің су объектілеріне қатты, өндірістік, тұрмыстық және басқа да қалдықтарды тастау және көму бабы бойынша іс қозғалып, 10 АЕК көлемінде айыппұл салынды.
Сондай-ақ «Айна Су» қорықтық қызметінің мамандары балықшылар қалдырған қоқыстарды жинады.
Рейдтік шаралар алдағы уақытта жалғасады.
