Өңір басшысы Марат Сұлтанғазиевтің сөзінше , республикалық маңызы бар «Көкпек-Кеген-Түп» автожолын жөндеуге байланысты ұзақ жылғы проблемалар тұрғындардың наразылығын тудырып отыр. Дегенмен, 2022 жылдың маусым айында аталған нысанның конкурс корытындылары шығып жаңа мердігер анықталды. Қазіргі таңда құрылыс жұмыстары жүріп жатыр. Жұмыстың аяқталуы мерзімі – 2023 жылдың қазан айы.
«Сонымен бірге тағы бір өзекті мәселе — «Кеген-Нарынқол» автомобиль жолының жағдайы. Биыл бұл жолдың 74-89 шақырым аралығына орташа жөндеу жұмыстары жоспарланған. Қазіргі уақытта жоба Ұлттық сапа орталығынан ведомствалық оң қорытынды нәтиже алды, енді конкурc бойынша мердігер мекеме анықталып жатыр», — деді Марат Сұлтанғазиев.
Жолдарды жөндеуге байланысты облыс әкімі өзінің орынбасары Нұржан Құдайбергеновке, тиісті басқарма басшыларына аудан әкімімен бірлесіп, белгіленген мерзімде автокөлік жолдарын, оның ішінде ауылішілік жолдарды жөндеуді аяқтауды тапсырды.
