Қазақстан Республикасы Мемлекеттік қызмет істері агенттігінің Алматы облысы бойынша департаменті Е. Васильеваның шағымы негізінде Іле ауданының сәулет және қалақұрылысы бөлімінде сәулет-жоспарлау тапсырмасын беруден негізсіз бас тарту фактісі бойынша жоспардан тыс тексеру жүргізді. Арыз иесінің уәждері дәлелденді. Нәтижесінде бөлім басшысына Қазақстан Республикасының Әкімшілік құқық бұзушылық туралы кодексінің 465-бабына сәйкес әкімшілік хаттама толтырылды. Бұған қоса бұзылған құқықты қалпына келтіру бойынша ұсыныс хат енгізіліп, сәулет-жоспарлау тапсырмасы берілді.
