Оның айтуынша, Алматы облысының маманданған саласының бірі – фармацевтика. Қазіргі таңда өңірде «Абди Ибрахим Глобал Фарм», «Дольче Фарм» секілді бірнеше компания қызмет етеді. Бұл серіктестіктердің өндірісті кеңейту жоспарлары бар.
«G4 city» қаласының 1 шағын ауданында тек өнеркәсіп орындары орналасатын болады. Сол аумақтан фармацевтика компанияларына жер беріледі. Одан басқа, қазіргі таңда «Дольче Фарм» өндіріс ошағына инвестиция тарту мәселесі қарастырылып жатыр. Зауыт салынады, оның жанынан фармацевтикаға бағытталған оқу орыны да ашылады», — деді Марат Сұлтанғазиев.
