Бұған дейін мекеме аудандық аурухана құрамында қызмет көрсетіп келген.
Алматы облысы Денсаулық сақтау басқармасының басшысы Ержан Сүлейменов ұжымға орталықтың жаңа директоры Дәурен Иманалиевті таныстырды.
Ведомство мәліметінше, орталықтың жеке мәртебе алуы ана мен бала денсаулығын жақсартуға, босандыру қызметін басқаруды тиімді етуге және медициналық ресурстарды ұтымды пайдалануға бағытталған.
Жаңа басшыға акушерлік пен неонатологияға заманауи технологияларды енгізу, сондай-ақ материалдық-техникалық базаны күшейту міндеті жүктелді.
Денсаулық сақтау басқармасы бұл өзгеріс өңірдегі босандыру қызметін дамытуға серпін беріп, Есік қаласында мамандандырылған орталық қалыптастыруға мүмкіндік береді деп отыр.
