Прокуратураның жазуынша, биыл 259 азамат көлікті мас күйінде жүргізсе, былтыр бұл көрсеткіш 1240 адамды құраған. Сондай-ақ былтыр ҚР ҚК-нің 345-1-бабы бойынша 14 адам жауапқа тартылған, биыл осы бапқа сәйкес 7 адам заң алдында жауап берді. Осы 7 азаматтың қатысуымен болған жол-көлік оқиғалары нәтижесінде 6 адам зардап шегіп, 2 тұрғын қаза тапқан.
Өңір прокуратурасы алкогольді пайдаланып, рөлге отырғаны үшін тұрғындар қандай жауапкершілікке тартылатынын да ескертті. Мысалы, мас күйде көлік басқарған адам 7 жылға жүргізуші куәлігінен айырылып, 15 тәулікке қамалады. Ал бұрын әкімшілік жазаға тартылған жүргізушілердің үстінен ҚК-нің 346-бабы бойынша іс қозғалады. Бұдан басқа, автокөлік иесі мас адамға басқаруды берсе де, куәлігі жоқ адамдар рөлге отырса да заңнан қашып құтыла алмайды.
