Санжардың бұл жетістігі тек мектебінің емес, бүкіл Алматы облысының мақтанышына айналды. Осы қуанышты оқиғаға орай, облыс әкімі Марат Сұлтанғазиев дарынды оқушымен арнайы кездесіп, оны құттықтады.
Кездесу барысында өңір басшысы білім саласындағы жаңа бастамалар, мектеп инфрақұрылымын жаңарту, оқушыларға заманауи білім беру мен олардың қауіпсіздігін қамтамасыз ету мәселелеріне ерекше тоқталды.
«Бұл – сенің табандылығыңның, ата-ана мен ұстаздардың қолдауының жемісі. Бүгінде жастарға сапалы білім алуға барлық мүмкіндік бар. Соның игілігін көріп, биіктерге ұмтылуыңа тілектеспін», – деді әкім.
Санжар өз кезегінде болашақта ұстаз болуды армандайтынын айтып, алған білімін келешек ұрпақпен бөлісуді өмірлік миссиясы санайтынын жеткізді.
Кездесу соңында әкім Санжарға 500 мың теңге көлеміндегі сертификат, ал анасы мен ұстаздарына Алғыс хаттар табыстады. Бұл – білімді жастарды қолдаудың және олардың еңбегін лайықты бағалаудың жарқын көрінісі.
Санжар Қуандықтың жетістігі – мыңдаған талапты жасқа шабыт сыйлайды. Осындай білімге құштар ұрпақ көбейген сайын, еліміздің де келешегі кемел болары анық.
