2024 жылдың 25 қыркүйегінде Қонаев қаласындағы орта мектеп-гимназия базасында 8-11 сынып оқушылары арасында «Атом энергиясы — шексіз мүмкіндіктер» атты облыстық ғылыми жобалар байқауы өтті, деп хабарлайды Alataunews.kz.
Байқауға облыстың жалпы білім беретін мектептерінен 87 оқушы 72 жобамен қатысты. Қатысушылардың жұмыстары ғылыми мәселелер мен бағыттардың кең ауқымын қамтыды.
Жұмыстар келесі критерийлер бойынша бағаланды: өзектілік, практикалық маңыздылық, ғылыми және инженерлік деңгей, нәтижелердің жаңалығы, жұмыстың аяқталу дәрежесі, қатысушының жеке үлесі, презентация стилі және материалды меңгеру деңгейі.
Байқау қорытындысы бойынша барлық оқушыларға қатысушы сертификаттары табысталды. Қазылар алқасының шешімімен І орынға 5 жобамен 6 оқушы, ІІ орынға 9 жобамен 12 оқушы, ал ІІІ орынға 14 жобамен 18 оқушы лайық деп танылды.
Барлық қатысушыларға таланттары мен ғылымға деген ұмтылысы үшін алғыс білдіреміз. Жеңімпаздарды құттықтап, оларға ғылыми салада табыс тілейміз!
