Құжатқа сәйкес, дифференцияланған төлем жүйесін енгізу транзиттік шетелдік пайдаланушылардан туындайтын қосымша жүктемелерге байланысты автожолдарды күтіп ұстау және қалпына келтіру шығындарын өтеуге мүмкіндік береді.
Ведомство өкілдерінің айтуынша, ұсынылып отырған түзетулер Қазақстанның экономикалық мүдделерін қорғауға және халықаралық көлік қатынастарында өзара теңдік қағидатын қамтамасыз етуге бағытталған. Қосымша түсетін қаражатты жол инфрақұрылымын дамыту мен оны күтіп ұстауға жұмсау жоспарланып отыр.
Көлік министрлігінде бұл норма Еуразиялық экономикалық одақ елдеріне, Қазақстан резиденттеріне және үкіметаралық келісімдерде ақылы жолдарға қатысты төлем шарттары қарастырылмаған мемлекеттерге қолданылмайтынын атап өтті.
Алдын ала мәлімет бойынша, өзгерістер 2026 жылдың наурыз айынан бастап күшіне енуі мүмкін. Құжат қазіргі уақытта «Ашық нормативтік-құқықтық актілер» порталында қоғамдық талқылауға шығарылып, 26 ақпанға дейін ұсыныстар қабылданады.
