Бұл жұмыс ҚР Төтенше жағдайлар министрлігінің 30 жылдығына орай ұйымдастырылған «30 игі іс» акциясы аясында жүзеге асырылды. Мурал Ұлы Отан соғысының қаһарманы, халық жазушысы Бауыржан Момышұлына арналды.
Ведомствоның мәліметінше, жобаның мақсаты – жауынгерлік рухты көтеру және патриотизмді нығайту.
Айта кетейік, осы жазда аңыз қолбасшының алып суреті Тараз қаласында да бейнеленген еді. Ол Бауыржан Момышұлы атындағы 5-ші механикаландырылған бригаданың 25 жылдығына орай жасалған болатын.
