«Қар көшкіні адам өтпейтін таулы аймақтарда түсті. Абырой болғанда зардап шеккендер жоқ. Өзен арналары мен жолдарға қар түскен жоқ. Көшкін қауіпі туралы алматылықтар мен қала қонақтарын медиабордтар ескертуде, онда тауларда көшкін қаупі туралы хабарлама таратылады, ұялы телефондарға SMS-хабарламалар жіберілді», — деп атап өтті ведомстводан.
Естеріңізге сала кетейік, қазіргі уақытта Үлкен Алматы көлі мен Шымбұлаққа баратын автожолдар жабық.
Құтқарушылар осы уақытта таулы жерлерге бармауға, тік қарлы беткейлерден сақ болуға, тау шаңғысы курорттарындағы қоршаулардан тыс жерлерге шықпауға кеңес береді.
