Басқарма басшысының сөзіне сүйенсек, көктемгі дала жұмыстарын жүргізу үшін Энергетика министрлігі Алматы облысына 3 920 тонна дизель отынын бөлді. Сонымен қатар аудандардың сұранысы бойынша ҚР Ауыл шаруашылығы және Энергетика министрлігінен 8 080 тонна дизель отынына қосымша сұраныс берілді.
«Отынды жеткізуші оператор ретінде Еңбекшіқазақ, Балқаш, Талғар аудандары бойынша «Астана Мұнай» ЖШС, Жамбыл, Райымбек, Кеген, Ұйғыр, Іле, Қарасай, Қонаев бойынша «Петрофон» ЖШС анықталды», — деді Дастан Құдабаев.
Маманның айтуынша, биыл жеңілдетілген отын бағасы 202 теңге болып бекітілді. Облыстағы барлық операторларда қажетті дизель отыны бар.
«Көктемгі дала жұмыстарына дайындық жалғасып жатыр және оларды агротехникалық мерзімде аяқтау үшін барлық қажетті шаралар қабылданады», — деді басқарма басшысы.
