«Жарнама туралы» Заңда жарнаманың түрлері нақты айқындалған және онда маңдайшалар қамтылмағаны атап өтілді.
«Алайда, жергілікті атқарушы органдар бизнес субъектілерінде жарнаманың болуы туралы мәліметтерді фискалдық органдарға жіберген, оның ішінде бұл тізімге маңдайшалар да енгізілді. 220 кәсіпкерге қатысты осындай заңбұзушылықтарға жол берілді, прокуратураның енгізілген қадағалау актісі бойынша бүгінде 60-тан аса кәсіпкерге заңсыз төленген сомалар артық төлем түрінде дербес шоттарға қойылды», — делінген хабарламада.
Прокуратура «Жарнама туралы» Заңның 11-бабы 1-1-тармағына сәйкес маңдайшалар сыртқы жарнамаға қолданылмайтынын және олар үшін салық төлемдері алынбайтынын түсіндірді.
Мұндай фактілер үшін салық есептелген жағдайда прокуратура органдары кәсіпкерлердің құқықтарын қорғау жөніндегі мобильді топтарға мына 8 707 177 71 01 телефон нөмірі бойынша жүгінуге болады.
