Камералардың көмегімен жол және қоғамдық қауіпсіздік бойынша құқық бұзушылықтар анықталады. «Сергек» камералары мына автожолдарда жұмыс істейтін болады:
Алматы облысы, М-36 Алматы Бішкек, 27 км Қаскелең жол өтпесі;
Алматы-Көкпек-Көктал 27 км «Құлжа» ЖҚС;
Алматы-Жетіген — Қапшағай су қоймасы 34 км Али кентіне түйісуі;
Талғар — Бәйдібек би 12 км Бесағаш базарына шығыс бағытта;
Алматы — Өскемен 109 км Шеңгелді к. кіре берісте.
Жыл басталғалы Алматы облысының аумағында 1113 жол-көлік оқиғасы тіркеліп, салдарынан 210 адам қаза тауып, 1575 адам жарақат алды. Жол-көлік оқиғаларына жүргізушілердің жеке тәртіпсіздігі, сондай-ақ жаяу жүргіншілердің белгіленбеген жерден жолды кесіп өтуі және жол қозғалысы ережелерін сақтамауы негізгі себеп болып отыр.
