Алдымен өңір басшысы Райымбек ауданының тұрғындарымен кездеседі. Жиын 2026 жылғы 27 тамызда сағат 10:30-да Жамбыл ауылының Мәдениет үйінде өтеді.
Сол күні сағат 16:00-де Марат Сұлтанғазиев Кеген ауданының тұрғындарымен жүздеседі. Кездесу Алғабас ауылының Мәдениет үйінде ұйымдастырылады.
Есептік кездесулер барысында облыс әкімі аудандардың әлеуметтік-экономикалық дамуы, жүзеге асырылып жатқан жобалар мен алдағы жоспарлар туралы айтып, тұрғындарды толғандырған мәселелерге жауап береді.
Екі кездесудің де тікелей көрсетілімі Instagram әлеуметтік желісіндегі «Almobl_akimdigi» ресми парақшасында жүргізіледі.
