Алматыдағы ЖЭО-2 жұмысымен танысқан қор басшысы облыста орналасқан ЖЭО-3 жайында да бірқатар маңызды мәселені атап өтті.
«Жалпы екі ЖЭО-ның жұмысы жаңғыртылып жатқан жоқ, жаңа газ-электрлі станса салынады деп айтуға толық негіз бар. Қазіргі таңда ЖЭО-3-ті газға көшіру үшін тендер арқылы мердігер компания таңдалып жатыр. Қонаев қаласында облыс әкімімен бірқатар мәселені айттық. Оның бірі осы орталықты газдандыру мақсатында тартылуы қажет инфрақұрылымдық желі жайында болды. Өз кезегінде әкімдік газ тарту үшін жердің мақсатын өзгерту бойынша жұмысты атқаруы тиіс. Содан кейін газ құбыры тартылмақ. Бұл жұмысты Алматыдағы ЖЭО-2-ні газға көшірумен бірге қатар жүргізу қажет», — деді қор басшысы Нұрлан Жақыпов.
Сонымен қатар ол ЖЭО-2 2026 жылы газға көшетінін, ал ЖЭО-3 жобасы 2025 жылға жоспарланып отырғанын айтты.
Айта кетейік, ЖЭО-3-тің газға ауысуы ауаның тазаруына оң әсер етеді. Орталықтың қуаты 173 МВт. Ал газға ауысқанда қуаты 545 МВт-қа артады деп жоспарланып отыр. Мұнда 365 адам қызмет жатыр.
