Ресми мәліметке сәйкес, конкурсқа ұялы байланыс операторлары қатыса алады. Жеңімпаз компанияға мемлекет интернет тартуға кеткен шығынның 50 пайызын жабатын үлестік грант береді. Жоба 2026–2027 жылдары жүзеге асырылады деп жоспарланған.
Министрліктің ақпаратынша, бастама «Қазақстанның инклюзивті экономикасы үшін жедел цифрландыру» жобасы аясында іске асырылады. Жоба нәтижесінде интернеті әлсіз немесе мүлде жоқ ауылдарға талшықты-оптикалық байланыс желілері тартылып, тұрғындар кемінде 100 Мбит/с жылдамдықтағы интернетке қол жеткізе алады.
Жалпы республика бойынша 1 123 ауыл қамтылып, шамамен 2,3 миллион адам сапалы интернетке қосылады. Оның ішінде Алматы облысындағы 69 ауылды жоғары жылдамдықты интернетпен қамтамасыз ету көзделген.
Мамандардың айтуынша, бұл жоба ауыл тұрғындары үшін цифрлық қызметтердің қолжетімділігін арттырып, білім беру, денсаулық сақтау және кәсіпкерлік салаларында жаңа мүмкіндіктерге жол ашады.
