Маманның айтуынша, облыстық прокуратураның ұсынысына сәйкес, биыл департамент жер ресурстарын пайдалануға қатысты заңсыз 65 шешімнің күшін жойған. Атап айтқанда,
• Қонаев қаласы – 6 шешім (7020 га);
• Іле ауданы – 54 шешім (19 га);
• Еңбекшіқазақ ауданы – 1 шешім (40 га);
• Қарасай ауданы – 2 шешім (9 га);
• Ұйғыр ауданы – 2 шешім (7650 га).
Департамент басшысының орынбасары биыл өңірде пайдаланылмай жатқан 601 субъектіге тиесілі 285,5 мың гектар жер анықталғанын да айтты.
«Осы күнге дейін 247 субъектіге тексеріс жүргізіп, арнайы нұсқамалар берілді. Бұдан бөлек, пайдаланылмай жатқан ауыл шаруашылығы мақсатындағы 45 264 га жер мемлекетке қайтарылды», — деді Арман Сәрсенбай.
Сондай-ақ биыл маусым-шілде айларында департамент 2022 жылы 149.5 мың га жерді басқарушы 45 субъектіге берілген нұсқамалардың орындалуын бақылауға алмақ.
