2024 жылғы 21 желтоқсанда сағат 10:30-да Алматы облысында Тұздыбастау және Бесқайнар ауылдық округтері арасындағы жол қозғалысы қалпына келтірілді, деп хабарлайды Zakon.kz.
«ҚазАвтоЖол» ұлттық компаниясының мәліметінше, республикалық маңызы бар «Алма-Тау турбазасына кіреберіс» тас жолының 0-15 шақырым аралығында (Тұздыбастау ауылынан Бесқайнар ауылына дейін) жабылған учаскесі ашылды.
Компания өкілдері қосымша ақпарат қажет болған жағдайда тәулік бойы жұмыс істейтін 1403 байланыс орталығына хабарласуға болатынын еске салды.
