«Алматы облысы ПД ҰҚҚКБ қызметкерлеріне Қарасай ауданының аумағында белгісіз адамдар алкоголь өнімдерін заңсыз өндірумен және сатумен айналысатыны туралы ақпарат келіп түсті. Аталған дерек ҚР ҚК 233-бабы 2-бөлігі бойынша Қарасай ауданының ПБ-да тіркелді», — деп жазды ПД бастығы.
Полиция қызметкерлері Кемертоған ауылындағы жеке үйді тексеру барысында спирт дайындауға және құюға арналған жабдықтарды, акциздік маркалар, бөтелкелерге арналған қақпақтарды тапқан.
«Нәтижесінде түрлі маркадағы 3 мың 474 бөтелке жалған алкоголь өнімі табылып, тәркіленді. Аталған дерек бойынша 1993 жылғы Ч. есімді азамат ұсталды. Қазіргі уақытта сараптамалық тексерулер тағайындаумен барлық қажетті тергеу әрекеттері жүргізіліп жатыр», — делінген хабарламада.
