Осы бағытта «Қазсушар» РМК-ның «Д.Қонаев атындағы Үлкен Алматы каналы» филиалы «Қорам» магистралды каналында механикалық тазалау жұмыстарын бастады.
Мамандардың айтуынша, негізгі мақсат – каналдың су өткізу қабілетін қалпына келтіру және арттыру. Бұл өз кезегінде суармалы жерлерді сенімді әрі үздіксіз сумен қамтамасыз етуге мүмкіндік береді. Сонымен қатар атқарылып жатқан жұмыстар гидротехникалық нысанның техникалық және пайдалану жағдайын жақсартуға бағытталған.
Жауапты мекеме өкілдері мұндай профилактикалық шаралар ауыл шаруашылығы маусымы алдында су ресурстарын тиімді басқаруға және егіс алқаптарын тұрақты сумен қамтуға ықпал ететінін атап өтті.
