Аталған корпорация АӨК субъектілеріне шағын несие берумен айналысады. Осыған байланысты биыл ӘКК-мен жеке серіктестің бірлескен кәсіпорны түрінде микроқаржы ұйымын құру жоспарланып отыр. Мұнда ӘКК-нің қатысу үлесі 49% болмақ.
«Алматы облысында микроқаржы ұйымын құру үшін 73,5 млн.теңге мөлшерінде бюджеттік өтінім берілді. Бүгінгі таңда ӘКК-мен серіктес болатын компания таңдалды», — деді басқарма төрағасы.
Бағлан Құлтаевтың сөзінше, директорлар кеңесінің шешімімен «АльфаКомКонсалт» ЖШС компаниясы ӘКК-на серіктес болады. Бұл компания Алматы облысында тіркелген және консалтингтік қызмет көрсетуге маманданған.
