Облыс бойынша мемлекеттік қызметшілердің жалпы штаттық саны 4152 адамды құрайды. Қазіргі таңда аймақта 443 бос орын бар.
«Биыл өңірде қызмет етіп жүрген 38 адам басқа салаға ауысты. Сондай-ақ қайта даярлау мен біліктілікті арттыру курстарынан өтуі тиіс қызметкерлердің 107-сі оқудан өтті. Ал мемлекеттік қызмет саласына енді келген жастардың саны 71. Биыл осы уақытта 58 жас жұмысқа қабылданған», — деді департамент басшысы Ләззат Бейсекулова.
Бұдан басқа, Ләззат Бейсекулова мемлекеттік қызметшілер күні қарсаңында департамент Алматы облысының әкімдігімен бірлесіп тиісті жоспарды бекіткенін айтты. Осыған сәйкес, қызметкерлердің имиджін арттыру және қоғамның сенімін нығайту мақсатында бірқатар іс-шаралар өткізіледі.
