Алтын Адам көшесінде жөндеу жұмыстарының жүргізілуіне байланысты оның төменгі бөлігі уақытша жабылады.
«Жол қозғалысының қауіпсіздігін қамтамасыз ету және күрделі жөндеу жұмыстарын жүргізу мақсатында бұл учаскені уақытша жабуға шешім қабылданды. Осыған орай, бүгін аудан әкімдігінде қала тұрғындарының қатысуымен жиын өтіп, көшенің төменгі бөлігін жабу туралы шешім қабылданды. Бөкейханов мектебінен бастап БАК-қа дейінгі аралық жөндеуден өтеді», – деп мәлімдеді жауапты мекеме өкілдері.
Айналма жол БАК – Болек ауылы – Талғар тасжолы бағыты бойынша ұйымдастырылады.
Жергілікті тұрғындардан уақытша қолайсыздықтарға түсіністікпен қарау сұралды.
