21 күннің ішінде еліміз бойынша 54 мың мал таситын көлік, 17 мыңнан астам мал мен ет саудасы орындары, сондай-ақ 28 мыңнан аса шаруа қожалығы тексерілді.
Аталған рейд барысында Астана, Алматы және Шымкент қалаларында заңсыз жұмыс істеген 13 ет цехыанықталды. Сонымен қатар, мал ұрлығына қатысы бар 131 адам жауапқа тартылды.
«Мал ұрлығына қатысты 135 қылмыстық іс ашылып, 580 бас мал иелеріне қайтарылды. Сонымен қатар, 23 қылмыстық топтың жолы кесілді», – деді ІІМ криминалдық полиция департаментінің бастығы Қанат Нұрмағамбетов.
Өңірлер бойынша деректер:
-
Алматы облысында 11 рет мал ұрлаған екі топ ұсталды;
-
Жамбыл облысында 103 бас ұсақ малдың ұрлығына байланысты 9 дерек тіркелді.
Бұл шара мал ұрлығымен күресті күшейтуге, заңсыз ет айналымын азайтуға және мал иелерінің қауіпсіздігін қамтамасыз етуге бағытталған. ІІМ мәліметінше, мұндай рейдтер алдағы уақытта да тұрақты түрде жалғасады.
Фото: polisia.kz
