Желіде Алматы-Шелек-Қорғас тасжолында жүк көлігі мен жеңіл көлік соқтығысқан сәттің видеосы тарады. Кадрлардан Toyota ауыр жүк көлігі тіркемесінің астына кіріп кеткені көрінеді. Облыстық полиция департаменті жол апатынан 47 жастағы ер адамның қаза тауып, тағы екі адам жарақат алғанын хабарлады.
«Алматы-Шелек-Қорғас тасжолы бойымен келе жатқан Toyota көлігінің 53 жастағы жүргізушісі тоқтап тұрған Volvo жүк көлігімен соқтығысты. Жол апатынан жеңіл көлікте болған 47 жастағы жолаушы оқиға орнында қаза болды. Жүргізуші мен тағы бір жолаушы да түрлі жарақатпен Шелек ауылдық ауруханасына жеткізілді. Дерек бойынша Қылмыстық кодекстің 345-бабы 3-бөлігі бойынша тергеу басталды», — деді полициядағылар.
