«Алматы облысы ішкі саясат басқармасының мемлекеттік-әлеуметтік тапсырмасымен «Тұрғындар арасында экологиялық мәдениетті нығайту» жобасы аясында өңірде бірқатар семинар-тренингтер ұйымдастырылды. Бұл шараға 300-ден астам адам қатысты», — деді.
Бұдан бөлек, бірлестіктің бастамасымен облыс бойынша 1000 ағаш отырғызылды.
«Сондай-ақ балалар арасында табиғатқа деген сүйіспеншілікті арттыру мақсатында «Қоршаған ортаны қорғауға сен қандай үлес қосасың?» атты шығармалар конкурсы мен «Түрлендіру» фотосуреттер мен бейнероликтер байқауы ұйымдастырылды. «Түрлендіру» байқауының ережесіне сәйкес, балалар лас орындарды тауып, видеоға түсіріп, кейін сол жерлерді жинады. Екі конкурс бойынша жеңімпаз атанғандар ақшалай және арнайы сыйлықпен марапатталды», — деді бірлестіктің жыл қорытындысын жасаған Дәулет Естанов.
Бірлестік басшысының айтуынша, облыста «Үздік аула мен аула алаңы» конкурсы да өткізілді. Аталған байқаудың талабы бойынша өңірдегі таза тұрғын үй аулалары анықталды. Үздіктер бүгін марапатталды.
