Ірі холдингтің вице-президенті Салах Шараф Әл-Хашмидің айтуынша, «Sharaf Group» Қазақстанда логистикалық хаб құруға және еліміздің жолға байланысты жобаларын ұзақ уақыт бойы қаржыландыруға дайын.
«Алматы облысы – Қазақстандағы үлкен проекттерді іске асыруға арналған алаң секілді. Ал «Sharaf Group» туралы айтар болсақ, біздің компанияның жұмысы бірнеше бағыттарды қамтиды. Олар: кеме қатынасы, логистика, бөлшек сауда, саяхат және туризм, ақпараттық технологиялар, қаржылық қызметтер және т.б. Штаб-пәтеріміз Дубайда орналасқан», — деді вице-президент.
Вице-президенттің ақпаратына сүйенсек, компания Таяу Шығыстағы, Африкадағы, Үнді субконтинентіндегі, Азиядағы жалпы саны 54 мемлекетпен жұмыс істейді. Және бүкіл әлем бойынша 9000-нан астам адамнан тұратын кадрлық резервке ие.
Кездесу соңында араб әріптестер екіжақты ынтымақтастық жайында бірқатар ұсыныстарын дайындап, 2023 жылдың қаңтарында Алматы облысының әкімімен кездесуге келуді жоспарлап қайтты.
