Бұл ақпаратты Маңғыстау облысы Қоғамдық коммуникациялар орталығы ресми түрде растады.
Орталықтың мәліметінше, түсірілім тобы қазір өңірді аралап, жергілікті табиғат пен инфрақұрылыммен танысып жүр. Сараптамадан кейін команда «Доспехи Бога» франшизасының жаңа бөлімі үшін Маңғыстауды негізгі локация ретінде бекіткен.
«Әлемдік кино жұлдызы Джеки Чан мен әйгілі режиссер Роберт Кун Маңғыстау облысын жаңа фильмнің ресми түсірілім орны ретінде таңдады», — делінген хабарламада.
Айта кетейік, Маңғыстау өңірі соңғы жылдары халықаралық киножобалар үшін тартымды локацияға айналып келеді. Теңіз жағалауы, шатқалдар, шөлейт ландшафттар мен ерекше табиғи нысандар әлемдік продакшндарға жиі ұсынылатын аймақтардың қатарында.
Жаңа фильмді түсіру жұмыстарының басталу уақыты кейінірек жарияланатыны хабарланды.
