Франциядан тағы бір жақсы жаңалық. Елена Рыбакина жеңімпаз атанды деп қуанып жатқанда, түркістандық жас теннисші Заңғар Нұрланұлы Еуропа чемпионатының финалына шықты. Ол Roland Garros корттарында француз Тимео Труфеллиді 6:1, 6:2 есебімен жеңді.
Қазақ теннис федерациясының ақпаратына сүйенсек, мәртебелі жарысқа әлемнің 30 елінен 160-тан астам ойыншы қатысты. Ел намысын тағы 5 спортшы қорғады.
Турнирдің ерекшелігі – мұндағы бәсекелер атақты Roland Garros корттарында өтеді. Мұнда әр жылдары Рафаэль Надаль, Гаэль Монфис, Стефанос Циципас, Карлос Алькарас сияқты танымал спортшылар жеңімпаз атанған.
