Осы жылдың сәуір-мамыр айларында жауапты органдар Талдықорған қаласында 9-шы шағын аудандағы құрылыс сапасына тексеру жүргізді, деп хабарлады қала әкімі Әсет Масабаев сейсенбі күні өткен брифингте.
«9-шы шағынаудандағы 4 нысан ішінара тоқтатылды. Олар: «ТрансНефть» ЖШС, «Шырын» ЖШС, «Ақ ордасы» ЖШС», — деді Масабаев.
Сондай-ақ, «Лидер НК» ЖШС-ін лицензиядан айыру жөніндегі материалдар сотқа жолданды. Лицензия 1 санат бойынша қайтарылып алынды, 2 санат бойынша кәсіпорын жұмыс істей алады, деп хабарлады әкім.
Ол 2021 жылы мемлекеттік бюджет қаражаты есебінен 9-шағын ауданда жалпы ауданы 104,7 мың шаршы метр болатын 1292 пәтерлік 35 тұрғын үйдің құрылысы басталғанын еске салды. Оның ішінде 31 үй несиелі (жалпы ауданы — 95,5 мың шаршы метр, 1184 пәтер), қалған 4 үй жалдамалы (ауданы — 9,2 мың шаршы метр, 108 пәтер).
Әкімнің айтуынша, 2022 жылы 6 кредиттік үйге сараптама жасалады, құрылыс-монтаждау жұмыстарына 3,8 млрд теңге қажет.
«Күз бен қысқы мезгілдерінде үйлер пайдалануға берілмейді, себебі суық кезде жасалған жөндеу жұмыстары сапасыз болады. Сондықтан, 1,8 млрд теңге қаражатты 2023 жылға жылжыту қажет», — деп атап өтті Масабаев.
Маусым айының соңына дейін Әлімжанов көшесіндегі 60 пәтерлік 2 үй , ал шілденің ортасында 8 шағын ауданда 6 үй (170 пәтер) дайын болады. Қазір желілер құрылысы және аулаларды абаттандыру жұмыстары жүргізіліп жатыр, деп хабарлады қала әкімі.
