Цифрлық даму, инновациялар және аэроғарыш өнеркәсібі министрлігі Қазақстан мен Ресей 7-ші әлемдік нөмірлеу аймағын бірлесіп пайдалану туралы үкіметаралық келісімге қол қойғанын мәлімдеді, деп хабарлайды alataunews.kz.
«Қол жеткізілген келісімге сәйкес, диапазондарды бөлу келесідей анықталды:
- Қазақстан Республикасы +7 0, +7 6, +7 7 кодтарын пайдаланады.
- Ресей Федерациясына +7 2, +7 3, +7 4, +7 5, +7 9 кодтары бекітілді.
Бұл процесс тату көршілік және өзара құрмет қағидаттарына негізделген конструктив диалогтың нәтижесі болды. Қазақстан мен Ресей бөлінген ресурстарды азаматтардың игілігі үшін тиімді және ашық пайдалану мақсатында тығыз ынтымақтастықты жалғастырады», — делінген хабарламада.
