Оның ішінде 7 141 мыңы немесе 76,9%-ы — жалдамалы қызметкерлер, ал 2 142,5 мыңы (23,1%) — өз бетінше жұмыспен қамтылғандар.
15 және одан жоғары жастағы халық арасында жұмыспен қамту деңгейі 64,4%-ды құрады. Бұл өткен жылдың сәйкес кезеңімен салыстырғанда 116,2 мың адамға көп. Өсім негізінен жалдамалы жұмысшылар есебінен қамтамасыз етілген.
Сала бойынша жұмыспен қамтылғандардың ең көп үлесі:
-
сауда саласында – 17%,
-
білім беру саласында – 13,4%,
-
өнеркәсіпте – 12,5%,
-
ауыл шаруашылығында – 10,3%.
Жас ерекшелігіне байланысты, жұмыспен қамтылғандардың басым бөлігі — 35-44 жас аралығындағы азаматтар (28%). Сонымен қатар 29-34 және 45-54 жас аралығындағы азаматтар жалпы жұмыспен қамтылғандардың 40%-ын құрайды.
Өңірлік бөліністе:
-
жалдамалы қызметкерлер саны бойынша – Алматы қаласы алда (985,8 мың адам);
-
өз бетінше жұмыспен қамтылғандар саны бойынша – Түркістан облысы (378,2 мың адам) және Алматы облысы (233,7 мың адам) көш бастап тұр.
Жұмыспен қамту бойынша іріктеп зерттеу нәтижелеріне сәйкес, Халықаралық еңбек ұйымының әдістемесіне сай есептелген жұмыссыздық деңгейі 2025 жылдың I тоқсанында 4,6%-ды құрады. Бұл өткен жылдың сәйкес кезеңіндегі 4,7%-бен салыстырғанда азайғанын көрсетеді.
