«Халықты жұмыспен қамту аясында биыл 830 мыңнан астам адам жұмысқа орналасты, соның ішінде 233 мыңы – жастар. Келесі жылы 1 млн-ға жуық адам жұмысқа орналасу керек. Мемлекеттік органдар, кәсіпорындар мен жұмыс берушілердің арасындағы Бірлескен іс-қимылдың бірыңғай алгоритмі қабылданды. Ол ел бойынша еңбек дауларының санын 5 есеге азайтуға мүмкіндік берді», — деді Премьер-Министр.
Үкімет басшысының атап өтуінше, мемлекеттің барлық әлеуметтік міндеттемелері уақытылы және толық көлемде орындалып жатыр.
«Биыл цифрлық технологиялар арқылы әлеуметтік қорғау саласында 1 млн-ға жуық қызмет көрсетілді. Келесі жылы 4,4 млн-нан астам адам 4,6 трлн теңгеге көтерілген әлеуметтік төлемдерді алады. 1 қаңтардан бастап Отбасының цифрлық картасы арқылы әлеуметтік қорғау саласындағы қызметтері проактивті форматқа көшіріледі», — деді Әлихан Смайылов.
