«ҰБТ-2022 аяқталды, бірақ оның бейнежазбаларын тексеру әлі де жалғасып жатыр. Қазіргі таңда бейнежазбаларды қайта қарау қорытындысы бойынша 153 тестіленушінің ҰБТ нәтижелері жойылды, олардың 137-сі білім беру грантының иегері болған еді», — деп жазды ол Instagram парақшасында.
Оның айтуынша, ҰБТ тапсыру кезінде бекітілген талаптарды сақтамауға жол берген Ұлттық тестілеу орталығы қызметкерлерінің үстінен тексеріс жүргізіліп, тиісті мемлекеттік органдарға хаттар жолданып жатыр.
«Құрметті 2023 жылғы талапкерлер! Міне, сіздер үшін жауапты кезең басталды. Себебі алда емтихандар мен ҰБТ тапсырасыздар. Сіздер білімдеріңіз бен еңбектеріңіздің арқасында ҰБТ-да жоғары нәтиже көрсетіп, алдыңғы буынның қателіктерін қайталамайсыздар деп сенеміз», — деп жазды Руслан Емелбаев.
Руслан Емелбаевтың мәліметіне қарағанда, биыл 327 түлек тестілеуге кіргізу кезінде тыйым салынған заттарды алып өтпек болғаны үшін ҰБТ тапсыру мүмкіндігінен айырылған. Ережелерді бұзғаны үшін тестілеу кезінде аудиториядан 322 адам шығарылған.
