Кездесу барысында өңірде қоқыс өңдеу зауытын салу мәселесі талқыланды.
Серіктестік басшысы Егор Сингердің айтуынша, компания жалпы қуаттылығы жылына 1 млн тоннадан асатын ірі қоқыс өңдеу кешендерін әзірлеп, іске қосқан.
«Бізде қатты тұрмыстық қалдықтарды өңдеудің жобасы жолға қойылған. ҚР аумағында қоқыс тасымалдау логистикасын дамыту арқылы бұл өндіріс түрі жаңа, интеграцияланған жүйеге жететініне сенімдіміз. Ал қоқыстан кортон, пластмасса бұйымдарын шығаруға болатынын барлығымыз білеміз», — деді компания басшысы.
Өз кезегінде облыс әкімі Марат Сұлтанғазиев арнайы жұмыс тобын құрып, өндіріс ошағын ашуға жер телімін қарастыруды тапсырды.
Айта кетейік, Алматы облысында заңды түрде тіркелген 7 қоқыс полигоны бар, оның тек екеуінде ғана қалдықтар өңделеді. Ал өткен жылғы дерекке сәйкес, «Қазақстан Ғарыш Сапары» АҚ облыста 351 стихиялық қоқыс аумағын анықтаған. Оның 247-сінің көзі жойылған.
Бұған дейін кәсіпкерлердің қоқыс өңдейтін зауыт сала алмай жүргенін жазғанбыз.
Алматы облысында кәсіпкерлер қоқыс өңдейтін зауыт сала алмай жүр
