Жиында ол қауіпсіздік мәселесін көтерді. Айтуынша, облыста биыл 7 614 қылмыс тіркелген. Ал Райымбек ауданында осы кезеңде 44 қылмыс тіркелген. Бұл былтырғы дерекпен салыстырғанда 2,3% өсімді көрсетіп отыр.
«Ауданда барлығы 12 камера, оның 10-ы Нарынқолда, 2-уі Шалкөде ауылында, 1 монитор кезекші бөлімге орнатылған. Бейнебақылау камераларын арттыру бойынша шаралар қабылдау қажет», — деді Марат Сұлтанғазиев.
Сонымен қатар өңір басшысы жыл басынан облыста санитарлық талаптарды бұзудың 12 514 фактісі анықталғанын айтты. Оның ішінде Райымбек ауданында азаматтарға 534 мың теңгеден астам айыппұл салынған.
«Абаттандыру ережесін бұзу фактілері азаяр емес. Бұл бағытта қоғаммен бірлесіп жұмыс жасауымыз қажет», — деді облыс әкімі.
