Алматы облысы Полиция департаментінің баспасөз қызметі мәліметінше, кеше таңертең Kia көлігінің 29 жастағы жүргізушісі Алматы — Көкпек — Көктал тасжолында рөлді тізгіндей алмай, Үлкен Алматы айналма жолына апаратын жолға шыққан. Осыдан кейін ол жаяу жүргіншіні — 51 жастағы ер адамды қағып кеткен. Ал кейін жеңіл көлік жол бойында тұрған ЗИЛ суаратын көлігіне соғылды.
«Жол апаты салдарынан жаяу жүргінші, сондай-ақ, KIA көлігінің 42 жастағы жолаушысы сол жерде қаза болды. Сонымен қатар, жеңіл автокөліктің жүргізушісі ауруханаға жатқызылды, ол да есін жимастан, қайтыс болды», — деді полиция.
Сонымен қатар, дене жарақатымен Алматы қаласының ауруханасына тағы бір Kia жолаушысы жатқызылды.
«Бұл дерек ҚР Қылмыстық кодексінің 345-бабы 4-бөлігі бойынша Талғар ауданының полиция басқармасында тіркелген. Қазір барлық қажет жұмыстар жүргізіліп жатыр», — деп қорытындылады Алматы облысының Полиция департаменті өкілі.
