Кәмелетке толмаған қыздың зорланғаны туралы арыз кеше, 29 тамыз күні Талдықорған полициясына келіп түсті.
Кәмелетке толмағанға қатысты зорлау және нәпсіқұмарлық сипаттағы өзге де іс-әрекеттер фактісі бойынша (ҚР ҚК 121-бабы 3-1-бөлігі 1-тармағы және 120-бап 3-1-бөлігі 1-тармағы) қылмыстық іс тіркелді. Тергеу аясында қажетті сараптамалар тағайындалды.
Зорлау Тоyota Camry автокөлігінің салонында жасалғаны анықталды. Автокөлік тәркіленіп, арнайы тұраққа қойылды.
Күдікті ретінде қалалық полиция қызметкерлері 20 жастағы жергілікті тұрғынды ұстады.
Тергеуді облыстық полиция департаменті бақылауға алды.
