ШҚО Төтенше жағдайлар департаменті баспасөз қызметінің мәліметіне сүйенсек, 6 желтоқсан күні сағат 19.40 кезінде Самар ауданындағы Бұқтырма су қоймасында 5 адам отырған көлік мұз астына құлаған. Төртеуі көліктен шығып үлгеріп, 72 жастағы әйел суға батып кеткен.
«Көлікті Төтенше жағдайлар қызметінің тоғыз сүңгуірі іздеді. Сүңгуірлердің жұмысы аяздың кесірінен қиындады. Іздестіру жұмыстары жүргізілген жердегі тереңдік шамамен 20 метр болды», – деді Шығыс Қазақстан облысы Төтенше жағдайлар департаментінің баспасөз қызметі.
Денені мұздан алып шығуға 23 адам мен жеті техника жұмылдырылды.
