Жетісу полиция департаменті жол апатынан зардап шеккендер жоқ екенін хабарлады. Жол апаты 4 желтоқсан күні Кербұлақ ауданындағы Сарыөзек ауылының маңында орын алды. «Volvo» жүк көлігінің 57 жастағы жүргізушісі «Алматы-Өскемен» трассасының 164-ші шақырымында жол жиегінде тұрған «LADA Largus» автокөлігіне соғылған. Нәтижесінде екі көлік те аударылып қалған.
«LADA» жүргізушісі медициналық тексеруден өту үшін ауруханаға жеткізілді, содан кейін амбулаториялық емделуге жіберілді.
«ҚазАвтоЖол» ұлттық компаниясының қызметкерлері 6 техниканың көмегімен Алматы облысының Шеңгелді ауылынан бастап Жетісу облысындағы Сарыөзек ауылына дейінгі тас жолды тазалап шықты.
