5 желтоқсан күні Іле ауданы Казцик ауылында 29 жастағы ер адам ұсталды. Оның «Lexus GS-300» автокөлігін тексеру барысында 308 калибрлі «Mannlicher» маркалы мылтық карабині табылып, тәркіленді. Бұл туралы облыстық полиция департаментінен хабарлады.
Тергеу қарудың қаңтар айындағы оқиғалар кезінде Алматыдағы қару-жарақ дүкенінен ұрланғанын анықтады. Бұл факт Іле ауданы полиция басқармасының ҚР ҚК 287-бабы 3-бөлігі (атыс қаруын заңсыз сатып алу, сақтау, тасымалдау немесе алып жүру) бойынша сотқа дейінгі тергеп-тексерудің бірыңғай тізілімінде тіркелген.
Күдікті ұсталып, уақытша қамау изоляторына жіберілді. Қылмыстық істі тергеу барысы мен нәтижелері Алматы облысының полиция департаментінде бақылауға алынды.
