Павлодар облысы полиция департаментінің хабарлауынша, 12 желтоқсан күні, сағат 17:04-те Сәтбаев көшесі, 8/1 мекенжайындағы алты қабатты тұрғын үйдің екінші кіреберісінде өрт шыққан.
«Қоймаға айналған қоқыс жинағыштан шыққан өрттен тұрмыстық заттар жанған. Жалын жалпы аумағы 10 шаршы метр жерді шарпыды», — делінген хабарламада.
Өрт сөндірушілер баспалдақ арқылы бес адамды құтқарды. Оның үшеуі бала. Оқиға орнына 3 арнайы техника мен 11 өрт сөндіруші жұмылдырылды.
Қазір өрттің себебі мен салдары анықталып жатыр.
