Ер адамның ерлігі бейнебақылау камерасына түсіп қалып, әлеуметтік желіде жарияланды. Видеода көпқабатты үйдің бірінші қабатының қалай өртеніп жатқаны көрсетіледі. Дауыс жанып жатқан ғимаратқа кірмеуді сұрайды. Артынша ер адам әлсіреген адамды көшеге көтеріп шығады.
Оқиға «Шұғыла сити» тұрғын үй кешенінде болғаны белгілі болды. Өртеніп жатқан үйінен 1950 жылы туған ер адам өздігімен шыға алмаған. Жақында ол операциядан шыққан.
Ер адамды өрт сөндірушілер келгенше 30 жастағы Еркебұлан Жанахметов құтқарған. Қазір зейнеткердің жағдайын дәрігерлер бақылауға алды.
