Алматы-Өскемен автожолының 190 шақырымында Subaru Legacy автокөлігінің жүргізушісі рөлді басқара алмай, салдарынан автокөлік аударылған.
«Жол апатынан әйел адам мен бүлдіршін мерт болды. Әртүрлі жарақаттармен тағы 4 адам жақын маңдағы ауруханаға жеткізілді», — делінген полиция таратқан мәліметте.
Ауруханаға жатқызылғандардың арасында үш кәмелетке толмаған бала бар. Оқиға орнында полицейлер жұмысты жалғастырып, ЖКО мән-жайын анықтап жатыр.
