24 жастағы жүргізуші Алматы-Өскемен тас жолының бойымен солтүстік бағытта келе жатқан. 19-шақырымда жол қауіпсіздігіне арналған тосқауылды басып өткенде рульді басқара алмай, көлік аударылып қалған.
Алған жарақаттарынан жүргізуші оқиға орнында көз жұмды, ал оның 59 жастағы жолаушысы түрлі дене жарақаттарымен ауруханаға жеткізілді.
«Жол-көлік оқиғасы бойынша ҚР Қылмыстық кодексінің 345-бабы 2-бөлігімен қылмыстық іс қозғалды. Тиісті сараптама тағайындалды», – деді Алматы облысы департамент полициясының баспасөз қызметінен.
