Алматы облысында ТЖМ Республикалық жедел құтқару жасағының қызметкерлері 10 жастағы қыздың қолын құтқарды.
Жазатайым оқиға Қарасай ауданындағы Көксай ауылында болған.
«10 жастағы қыз абайсызда қолын көлік пен тіркеме жалғанған жерге кіргізген. Саусағы қысылып қалып, бірден ісе бастаған», — дейді ТЖМ.
Уақытында жеткен ТЖМ құтқарушылары арнайы кескіш құралдардың көмегімен қыздың саусағын шығарып алды.
ТЖМ құтқарушылары ата-аналарды балаларын қадағалап жүруге шақырады.
