Оқиға 17 қараша күні екінші ауысымның сабағы біткенде болған. Үйіне қайтуға асыққан оқушылар киім ілетін орында бірін-бірі таптап кеткен. Салдарынан 6-сынып оқушысы аяқ астында қалып қойған. Мектеп әкімшілігінің айтуынша, мектепте киім ілгіш бөлмесінің қызметкері жоқ.
«Оқиға болған кезде кезекші мұғалім оқушыларды қадағалап тұрған. 6-сынып оқушысы оқушылардың аяғының астында тапталып қалған. Оған кезекші мұғалім мен сыныптастары көмектесіп, орнынан тұрғызып алған. Оқушы есін жоғалтпаған», — деп мәлімдеді мектеп директоры.
1170 оқушыға арналған №3 Абай атындағы орта мектебінде 2054 оқушы білім алып жатыр. Болған оқиғаға қатысты оқушының ата-анасы баласына еш зақым келмегенін айтып, әлеуметтік желіде жазба қалдырған. Сондай-ақ оқушы қыз да еш жері ауырмайтынын айтып, видео жазған.
Оқиғаға қатысты мектеп директорына ҚР Еңбек кодексінің 64-бабының 2-тармағына сәйкес, тәрбие жұмысындағы олқылықтары үшін «сөгіс» түріндегі жаза қолданылып, еңбек қауіпсіздігінің алдын алу жұмыстарын күшейту тапсырылды. Қазіргі күні мектепте оқушылармен және ата-аналармен ақпараттық, түсіндіру жұмыстары жүріп жатыр.
Посмотреть эту публикацию в Instagram
