Тамыз айының жетісі күні Қарасай ауданының ауруханасына кеуде қуысындағы жарақатпен әйел адам түсіп, кейін қайтыс болған.
Аталған дерек ҚР Қылмыстық кодексінің 99-бабы (Кісі өлтіру) бойынша аудандық полицияда тіркелген.
«Арнайы іс-шара барысында тәртіп сақшылары күдікті – Кошмамбет ауылының 42 жастағы тұрғынын бір сағат ішінде ұстады. Аталған дерекке қатысты сот-медициналық сараптама тағайындалып, тергеу іс-шаралары жүргізіліп жатыр», — деп хабарлады полициядан.
Қанды қылмыс марқұмның жұмыс орнында болған.
Ұсталған адамның айтуынша, болған оқиға жеке қарым-қатынасқа байланысты және оның әйелдің кәсіби қызметіне қатысы жоқ.
ҚР Қылмыстық іс жүргізу кодексінің 201-бабына сәйкес өзге ақпарат жария етуге жатпайды.
